Жаңалықтарды Telegram арнамыздан оқыңыз!Түркия үкіметі елдегі экономикалық жағдай қиындаған соң, бюджетті үнемдеуге көшті. Алдағы үш жыл бойы барлық мемлекеттік мекемелерге жаңа ғимарат салуға немесе сатып алуға тыйым салынады. Сондай-ақ мемлекеттік қызметкерлер үшін жаңа қызметтік көлік алынбайды. Алынған күннің өзінде тек отандық көлік болуы тиіс. Шетелдік іс-сапарларға шектеу қойылады. Мемлекеттік компанияларда топ-менеджерлер жалақысының шекті мөлшері бекітіледі. Бағдарламаның шарттарын бұзған мекемелерге қатаң шаралар қолданылады.
Мехмет Шимшек, Түркияның қаржы және қазынашылық министрі:Алдағы үш жылда барлық мемлекеттік мекемелерде күнтізбе, қалам-дәптер сияқты ұсақ-түйектерден бастап кез-келген сыйлық алуға шектеу қойылады. Сондай-ақ аса қажеттілік болмаса жаңа жиһаз алуға, жөндеу жұмыстарын жүргізуге де тыйым салынады. Жаңа заңның орындалуы министрлігіміз тарапынан қатаң бақылауға алынып, бұл шарттарды бұзған мекемелер туралы Президентке шағым түсіріледі.
Айдос Әшімұлы
