![«Меломен» тобы «Таңшолпанда» қонақта (ВИДЕО)](https://cdn.qazaqstan.tv/old/articles/5/article_58024.jpg?w=928&h=522&format=jpg&resize=aspectfill&g=center)
8 наурыз – Халықаралық әйелдер мерекесі қарсаңында «Меломен» тобы «Таңшолпан» бағдарламасына келіп, аруларды мерекесімен шын жүректен құттықтады. Сондай-ақ, мерекеде аруларға қандай сыйлық сыйлауға болатынын және өздері қандай сыйлық сыйлайтынын айтып берді.
«Қандай сыйлық сыйласаң да ең бастысы - шын жүрекпен сыйлаған жөн. Шын ниетпен сыйланған сыйлық, қашанда бағалы болады», - дейді Ролан Қазрет.
«Барша аруларымызды сұлулықтың символы ретінде гүлге теңеп жатамыз ғой. Сондықтан, аналарымыздың, аруларымыздың көңілін көтеру үшін ең жақсы сыйлық ол - гүл», - дейді Жігер Ауыпбаев.
Еске сала кетейік, «Меломен» тобы 10 наурыз күні Астанадағы «Казмедиа» орталығының концерт залында «Қазақстан» Ұлттық телеарнасының «Сәлем, Қазақстан» жобасы аясында концерттерін өткізбек.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Меломен» тобы «Таңшолпанда» қонақта (ВИДЕО)&mh_tags=Qazaqstan&mh_page=https://qazaqstan.tv./index.php/news/107423/)