103  жыл бұрын (1913-1999) актер, Қазақстанның Халық әртісі  Шахан Мусин  дүниеге келді

ЕСТЕ ҚАЛАР ОҚИҒАЛАР

92 жыл бұрын (1924) Семейде Орыс географиялық қоғамының Абайды еске алуға арналған мәжілісі және қалалық театрда ұйымдастырған кеші өтті. М.Әуезов Абай шығармашылығы туралы баяндама жасады.

78 жыл бұрын (1938) Социалстік Еңбек Ері атағы және «Ерен еңбегі үшін», «Еңбек үздігі» медальдары белгіленді.

48 жыл бұрын (1968) Қытай тұңғыш сутегі бомбасын сынақтан өткізді.

71 жыл бұрын (1945) Халықаралық валюта қорының негізі қаланды. Халықаралық валюта қорын құру туралы шешім валюталық-қаржы мәселелері бойынша БҰҰ Бреттонвуд конференциясында 1944 жылғы 22 шілдеде қабылданды.

 

ЕСІМДЕР

113 жыл бұрын (1903-1958) қазақ тілі ғылымының теориясын қалыптастырып, практикамен байланыстырған алғашқы тілші ғалымдардың бірі, филология ғылымдарының докторы, профессор, Қазақстан Ғылым академиясының корреспондент мүшесі  Сәрсен Аманжолұлы АМАНЖОЛОВ  дүниеге келді.

106  жыл бұрын (1910-1995) әдебиет сыншысы, жазушы, ғалым, филология ғылымдарының докторы, профессор, Қазақстан Ғылым академиясының академигі, Қазақстанның Еңбек сіңірген ғылым қайраткері Мұхамеджан Қожасбайұлы ҚАРАТАЕВ дүниеге келді.

103  жыл бұрын (1913-1999) актер, Қазақстанның Халық әртісі  Шахан Әлімханұлы МУСИН  дүниеге келді.

101  жыл бұрын (1915-2006) көрнекті ғалым, техника ғылымдарының докторы, профессор, Социалистік Еңбек Ері, Қазақстан Республикасының еңбек сіңірген ғылым және техника қайраткері, Қазақстан Республикасы Ұлттық Ғылым Академиясының, Жаратылыстану Ғылым Академиясының академигі, Қазақ КСР Мемлекеттік сыйлығының екі мәрте лауреаты  Әбілқас Сағынұлы САҒЫНОВ дүниеге келді.

92  жыл бұрын (1924) ғалым-биохимик, биология ғылымдарының докторы, профессор, Қазақстанның еңбек сіңірген ғылым қайраткері  Зұлқарнай СЕЙІТОВ дүниеге келді.

68  жыл бұрын (1948) жазушы, Қазақстан Жазушылар одағының мүшесі  Жұмагүл Қуанышбекқызы СОЛТИЕВА дүниеге келді.

194 жыл бұрын (1822-1895) француз микробиологы және химик, осы заманғы микробиология мен иммунологияның негізін салушы Луи ПАСТЕР дүниеге келді.

68 жыл бұрын (1948) француз киноактері Жерар ДЕПАРДЬЕ (Жерар Ксавье Марсель Депардье) дүниеге келді.