Жаңалықтарды Telegram арнамыздан оқыңыз!«Қазақстан» РТРК» АҚ-ның телевизиялық жобалар бойынша жариялаған байқауына өтінімдер қабылдау аяқталды.
9-20 қаңтар аралығында еліміздегі түрлі продюсерлік орталықтар мен студиялардан 5 бағыт бойынша барлығы 90-ға жуық жұмыс келіп түскен.
Оның ішінде 13 танымдық тележурнал - аграрлық сектор туралы, 16 бағдарлама - еліміздегі шағын және орта бизнес тақырыбында, отбасылық жоба - 8, әлеуметтік тақырыпқа қатысты бағдарлама – 18, демалыс күндерге арналған ойын-сауықтық бағыттағы бағдарламалар - 32.
Қазіргі уақытта келіп түскен жұмыстарға қатысты Корпорация ішкі реттеу жұмыстарын жүргізуде. Екісатылы кезең бойынша, яғни, эксперттік комиссия және Көркемдік кеңестің қарауынан кейін әр бағыт бойынша тек 1 жұмыстан ғана таңдап алынатын болады.
Іріктеуден өткен телеөнімдер тізімі ресми жарияланады.
Байқауға атсалысқан барлық мамандарға алғыс білдереміз!
Қосымша ақпаратты 8 (717) 2 55-33-32 телефон нөмірі арқылы білуге болады.
