Жаңалықтарды Telegram арнамыздан оқыңыз!Ертеңнен бастап әр жексенбі сайын «Қазақстан» Ұлттық телеарнасынан «1 студия» атты қоғамдық-саяси ток-шоу эфирге шығады. Бағдарламаның жүргізушісі – белгілі тележурналист, қоғам белсендісі Берік Уәли.
Жаңа бағдарлама тұжырымдамасына сай, берілген тақырыпты талқылауға төрт спикер қатысады.
Жоба үш бөлімнен тұрады:
1-бөлім «Дат». Тараптар тақырып бойынша өздерінің датын айтады. Арнайы ведомство тарапынан келген мамандар уәжін айтады. Бұл бөлімде сөз жарысқа немесе сұрақ-жауапқа жол берілмейді.
2-бөлім «Айғақ немесе дәлел». Тараптар өздерінің ұстанымдарына қатысты, яғни, датқа немесе уәжге дәлел келтіреді.
3-бөлім «Түйін». Жүргізуші айтылған ой-пікірлерді ескере отырып қорытынды жасайды.
«1 студия» бағдарламасының алғашқы хабары жексенбі 20:00-де эфирге шығады.
Ұлттық арна қосулы болсын!
