![Ұстаздар арасында байқау өтеді](https://cdn.qazaqstan.tv/2019/9/9/1568004392173.jpg?w=928&h=522&format=jpg&resize=aspectfill&g=center)
12 қыркүйекте елордада мұғалімдер арасында А.Байтұрсынұлы атындағы республикалық байқау өтеді.
Байқауды ҚР Мәдениет және спорт министрлігі Тіл саясаты комитеті Шайсұлтан Шаяхметов атындағы «Тіл-Қазына» ұлттық ғылыми-практикалық орталығы ұйымдастырмақ.
Мақсаты – қоғам қайраткері, қазақтың ұлттық ғылымының көшбасшысы Ахмет Байтұрсынұлының ғылыми-педагогикалық мұраларының сабақтастығын жалғастыру.
Байқау үш кезеңнен тұрады. Ұстаздар алғашқы кезеңде өздері, оқу материалдары және жетістіктері туралы бейнетаныстырылым көрсетеді. Екінші кезеңде қатысушылар педагогикалық-психологиялық жағдаяттарға арналған тапсырмаларды орындайды. Ал үшінші кезеңде 20-25 минут көлемінде сабақ үлгісін көрсетеді.
Аталған шараға еліміздің 16 өңірінің оқытушылары қатысады. Республикалық байқау жеңімпаздарын әдіскер-ғалымдардан құралған қазылар алқасы анықтайды. Жеңімпаздар арнайы дипломдар, Алғыс хаттармен және қаржылай сыйлықтармен марапатталады.
inform.kz
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Ұстаздар арасында байқау өтеді&mh_tags=Qazaqstan&mh_page=https://qazaqstan.tv./index.php/news/116349/)