Осылайша аймақтағы жағдай қайта шиеленісіп барады. Бұған дейін еврей мемлекетінің армиясы палестиналық «Ислам жиһады» қозғалысының объектілерін бомбалағанда осы ұйым лидерлерінің бірі Баха Әбу әл-Атта мерт болды. Содан кейін Израиль аумағына Газадан 150-ден астам зымыран жіберілген. Қауіпке байланысты жүздеген мың израильдік жертөлелерге жасырынып, ондаған адамға медициналық көмек көрсетілді.
Әл-Аттаны жерлеу рәсіміне мыңдаған адам жиналды. Ол қолбасшылық еткен «Ислам жиһады» Иранның қолдауына сүйеніп отыр. Бұл қозғалыстың штаб-пәтері Сирия астанасында орналасқан.
Болжамдарға қарағанда, командирдің қазасынан кейін Таяу Шығыста шиеленіс тіпті күшеюі мүмкін. Израиль үкіметінің басшысы Биньямин Нетаньяху ұзақ жанжалға дайын екенін ескертті.
Арыстан Рысбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Израиль Газа секторына әуеден соққы берді&mh_tags=Qazaqstan&mh_page=https://qazaqstan.tv./index.php/news/119001/)