![«5-20-25» бағдарламасымен кімдер баспана ала алады?](https://cdn.qazaqstan.tv/2019/11/18/1574052243042.jpg?w=928&h=522&format=jpg&resize=aspectfill&g=center)
Индустрия және инфрақұрылымдық даму министрі Бейбіт Атамқұлов бүгін Үкімет отырысында қолжетімді баспана алу үшін тағы бір бағдарлама енгізілетінін хабарлады.
Үкімет 2020-2025 жылға арналған «Нұрлы жер» бағдарламасының жаңа жобасын мақұлдады.
«Бірыңғай тұрғын-үй саясатын жүзеге асырудың бірінші міндеті аясында баспана қолжетімділігі сатысы енгізіледі. Халықтың табысы негізгі фактор болады. 29,7 мың теңге табысы бар адамдарға, жетім балалар, І және ІІ топтағы мүгедектер, зейнеткерлерге сатып алу құқығынсыз жалдамалы баспана беріледі», - деді министр.
Оның айтуынша, 3,1 күнкөріс минимумы - 92 мың теңге табысы бар азаматтар «5-20-25» бағдарламасы бойынша әкімдіктің кредиттік баспанасына үміткер бола алады.
«Олар - әскери қызметкерлер, мемлекеттік қызметкерлер, бюджеттегілер. 3,1 күнкөріс минимумынан жоғары табысы бар тұрғындарға «7-20-25» бағдарламасы ұсынылады», - деді Б.Атамқұлов.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«5-20-25» бағдарламасымен кімдер баспана ала алады?&mh_tags=Qazaqstan&mh_page=https://qazaqstan.tv./index.php/news/119164/)