Қарағанды облысының Сәтбаев қаласында гемодиализ орталығы ашылды. Енді созылмалы бүйрек ауруына шалдыққан науқастар жол азабын тартып, өзге қалаларға сабылмай-ақ жақын маңнан ем алады. Бұл мемлекеттік жекеменшік серіктестік аясында жүзеге асқан жоба. Сәтбаев қаласында бүгінде гемодиализді қажет ететін 40-қа тарта науқас бар. Диализ залы толықтай озық медициналық қондырғылармен жабдықталған. Бірден 50 адамға қызмет көрсетуге қауқарлы. Бұл - осымен өңірде ашылған сегізінші орталық. Қазір Қарағанды облысында 149 диализ аппараты жұмыс істесе, 600-ге жуық науқас ем алуда. Ал, келер жылы тағы 3 диализ орталығын ашу жоспарланып отыр.
Руслан НҰРЛАНҰЛЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Сәтбаев қаласында гемодиализ орталығы ашылды&mh_tags=Qazaqstan&mh_page=https://qazaqstan.tv./index.php/news/119900/)