![Коронавирус құрбандарының саны 4 мыңнан асты](https://cdn.qazaqstan.tv/2020/3/10/1583813938797.png?w=928&h=522&format=jpg&resize=aspectfill&g=center)
Әлем бойынша коронавирус құрбандарының саны 4009-ға жетті. 112 747 адам қауіпті вирусты жұқтырған. 63656 адам емделіп, ауруханадан шығарылған.
Қытайдың 31 провинциясында 80754 адам дертке шалдыққан. Оның 3136-ы індеттен көз жұмды. Қазіргі уақытта 17721 адам ауырып жатыр, 4794-і ауыр халде. 59897 науқас ауруханадан шығарылған.
Италияда COVID-2019 вирусынан 463 адам қайтыс болған. Елде 9172 жұқтыру дерегі тіркелген.
Иранда 6566 адамға коронавирус жұқтырды деген диагноз қойылды. Оның 237-і көз жұмған. Соңғы 2-3 күнде дерке шалдығу көрсеткіші едәуір төмендеген. Вирустың таралуының алдын алу үшін елдегі мектептерде Наурыз мерекесіне дейін сабақтар уақытша тоқтатылды.
Моңғолия мен Панамада коронавирус жұқтырудың алғашқы дерегі тіркелді. Моңғолияда инфекция 2 наурызда Мәскеу-Ұланбатыр бағытындағы ұшақпен келген Франция азаматынан анықталды. Ал Панадама Испаниядан келген 40 жастағы әйелдің дертке шалдыққаны белгілі болды.
ria.ru
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Коронавирус құрбандарының саны 4 мыңнан асты&mh_tags=Qazaqstan&mh_page=https://qazaqstan.tv./index.php/news/124088/)