Карантин тәртібін бұзбаңыз, оның өтеуі өктем әрі сот шешімі жылдам. Сізбен ешкім әуреге түспейді, ақтамайды, кешірмейді. Жазаңызды жылдам береді. Онлайн, 10 минутта. Елордада ережені елеп-ескермеген 274 адамға қашықтан сот шешімі шықты. Қатаң тәртіпке құлақ аспағандардың көбі – карантин аймағының шекарасын заңсыз кесіп өтпек болған және қалта қамы үшін жеке кәсіпкерліктерін жалғастыра берген.
Карантин режимі енгізілгелі, елордадағы мамандандандырылған ауданаралық әкімшілік сотта, қашықтықтан 300-ге жуық іс қаралған. Оның 200-дейіне айыппұл салынса, жүздеген жауапсыз қамауға алынған.
Темірдей тәртіп орнаған аптаның алғашқы күндері, қаладағы әкімшілік сотта күніне 60 іс қаралған. Онлайн. Қазір, үш есеге азайды. Бұл – қазақстандықтардың карантинге көніп, жауапкершілікті түсінгендерін білдіретінін айтады судьялар.
Армангүл ТОҚТАМҰРАТ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Карантин талаптарын бұзғандар сотталып жатыр&mh_tags=Qazaqstan&mh_page=https://qazaqstan.tv./index.php/news/125108/)