Жаңалықтарды Telegram арнамыздан оқыңыз!Әлемнің 156 мемлекеті болашақта коронавирусқа қарсы вакцинаны әділ таратуды қадағалайтын COVAX схемасына қосылды. Бұл жобаға Дүниежүзілік денсаулық сақтау ұйымы басшылық етеді.
Оның өкілдерінің айтуынша, COVAX 2021 жылдың соңына дейін әлем бойынша 2 миллиард вакцина дозасын пациенттерге жеткізуді мақсат етіп отыр. Олар жобаға қатысушы елдердегі медицина қызметкерлері мен созылмалы дерту бар адамдарға үлестіріледі. Мұны ұйымның бас директоры Тедрос Адханом Гебрейесус мәлімдеді.
Айта кетейік, бұған дейін COVID-ке қарсы препараттардың көбі бай-бақуатты мемлекеттерге кетіп қалады деген қауіп туындаған еді.
Арыстан Рысбек
