Атырау облысында шектеу шаралары эпидемиологиялық ахуал тұрақталғанға дейін ұзартылды. Сондай-ақ карантин талаптары қайта күшейді. Жаңа қаулыға сай, сағат 23:00-ге дейін жұмыс істеп келген қоғамдық тамақтану орындарының қызмет көрсету уақыты, таңғы 8:00-ден түнгі 22:00-ге дейін қысқарды.
Демалыс және мереке күндері азық-түлік супермаркеттері мен дәріханалардан бөлек, сауда және ойын-сауық орталықтарының жұмысына шектеу қойылады. Жабық базарлар да сенбі-жексенбі күндері жұмыс істемейді. Әуе рейстері де қатаң қадағаланады. Жағдайды 114 мобильді топ бақылайды.
Гүлнәр Ербатырова, Облыстың бас мемлекеттік санитарлық дәрігерінің орынбасары:
Соңғы 14 күнде коронавирус жұқтырғандар саны екі есеге өскені байқалады. Алдыңғы аптада 20 жағдай болса, соңғы аптада 40 жағдайға дейін тіркеліп отыр.
Жандос Темірғали
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Атырауда карантин күшейді&mh_tags=Qazaqstan&mh_page=https://qazaqstan.tv./index.php/news/132277/)