Алматыда карантин күшейтіледі. Бүгін қаланың мемлекеттік бас санитар дәрігерінің жаңа қаулысы шықты. Құжатқа сәйкес 1 ақпаннан бастап сауда-ойын-сауық орталықтары, базарлар мен мейрамхана, дәмханалардың жұмыс тәртібі өзгереді.
Жазира Оразқызы, тілші:
Мегаполистегі сауда және ойын-сауық орталықтары жұмыс күндері таңғы сағат 10.00-ден 20.00-ге дейін шектеледі. Ал сенбі және жексенбі күндері мүлдем жұмыс істемейді. Осы орталықтардағы балалар ойын алаңдары, аттракцион мен батуттарға мүлдем тыйым салынды.
Сондай-ақ мегаполистегі мәдени нысандар, оның ішінде, театрлар мен кинотеатрларға көрермендердің келуіне рұқсат жоқ. Олардың да жұмысы тоқтатылды. Қоғамдық тамақтану орындары, яғни, дәмхана, мейрамханалар кешкі сағат 20.00-ге дейін ғана ашық. Қаулыдағы тағы бір өзгеріс - енді коронавирусқа тапсырған ПТР тесті оң нәтиже көрсеткендер ауруханаға жатқызылады. Құжат 1 ақпанда күшіне енеді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда карантин күшейтіледі&mh_tags=Qazaqstan&mh_page=https://qazaqstan.tv./index.php/news/136501/)