![Былтыр Қазақстанда 650 мың тонна нан өндірілді – АШМ](https://cdn.qazaqstan.tv/2021/2/12/1613107119446.jpg?w=928&h=522&format=jpg&resize=aspectfill&g=center)
Коронавирус пандемиясына қарамастан 2020 жылдың 12 айында Қазақстанда бидай глютені өндірісі 4,3 мың тоннадан 6,1 мың тоннаға дейін артып, шамамен 42%-ға өсті. Өңделген күріш өндірісі 166 мың тоннадан 200 мың тоннаға дейін жетіп, 20%-ға өсті, деп хабарлайды Ауыл шаруашылығы министрлігінің баспасөз қызметі.
Крахмал 2019 жылмен салыстырғанда 14,4%-ға (32,6 мың тоннадан 37,3 мың тоннаға дейін), макарон өнімдері 6,3%-ға (168,3 мың тоннадан 178,8 мың тоннаға дейін), кондитерлік өнімдер 2,6%-ға (237,9 мың тоннадан 244,2 мың тоннаға дейін), ұн 1,6%-ға (3,27 млн тоннадан 3,32 млн тоннаға дейін), маргарин 1%-ға (62,4 мың тоннадан 63 мың тоннаға дейін) артық.
Піскен нан алдыңғы жылдың деңгейінде (644,6 мың тонна) өндірілді.
Сонымен қатар, қайта өңделген және консервіленген жемістер мен жаңғақтар өндірісінің 30%-ға (6,7 мың тоннадан 4,7 мың тоннаға дейін), жеміс және көкөніс шырындары өндірісінің 21%-ға (74,8 млн литрден 59,2 млн литрге дейін), картоптан басқа қайта өңделген және консервіленген көкөністер өндірісінің 12,5%-ға (24,3 мың тоннадан 21,3 мың тоннаға дейін), тазартылған және тазартылмаған өсімдік майы өндірісінің 2,4%-ға (475-тен 464 мың тоннаға дейін) төмендегені байқалады.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Былтыр Қазақстанда 650 мың тонна нан өндірілді – АШМ&mh_tags=Qazaqstan&mh_page=https://qazaqstan.tv./index.php/news/137109/)