Нұр-Сұлтанда қысқы триатлоннан жарыс өтті. Бұл бәсеке ел Тәуелсіздігінің 30 жылдығына орай ұйымдастырылған. Дүбірлі додаға еліміздің түкпір-түпірінен 200-ге жуық спортшы қатысты. Мұнда кәсіпқойлармен қатар әуесқой спортшылар да шеберліктерін шыңдап көрді. Қатысушылар жүгіруден 2 шақырым, веложарыстан 3 және шаңғы жарысынан 2,5 шақырымда бақтарын сынады. Қашықтықты белгіленген уақыттан кешіктірмей аяқтағандар медальдарға ие болды. Ал жас санаттары бойынша жеңімпаздар мен жүлдегерлерді алдағы күндері елорданың триатлон федерациясы марапаттайды.
Дарын Сағитов
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Нұр-Сұлтанда қысқы триатлоннан жарыс өтті&mh_tags=Qazaqstan&mh_page=https://qazaqstan.tv./index.php/news/137514/)