Семейдегі стадионның атауы өзгеріссіз қалуы тиіс. Ұсынысқа қатысты Елбасы осындай пікір білдірді. Естеріңізге сала кетейік, Семейдің зиялы қауым өкілдері Қарағайлы ықшам ауданындағы атаусыз көшеге Нұрсұлтан Назарбаевтың есімін беру және осындағы мәдени-спорт кешенін «Елбасы Арена» деп атауды ұсынған болатын. Бірақ, Тұѕғыш Президент оған қарсылық білдірді. Бұл туралы Елбасының баспасөз хатшысы Айдос Үкібай twitter-де жазды. Онда:
«Әлеуметтік желілер мен БАҚ-та ШҚО белсенділерінің «Абай Арена» стадионының атауын өзгерту туралы ұсынысы талқылануда. Елбасы әрдайым өзіне қатысты мұндай «құрмет-қошеметке» қарсы. Н.Назарбаевтың пікірінше, стадион қазақтың ұлы ақыны әрі философының атында қалуы керек».
Асима Нұрбайқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Елбасы «Абай Арена» ұлы ақынның атында қалуға тиіс деп есептейді&mh_tags=Qazaqstan&mh_page=https://qazaqstan.tv./index.php/news/138518/)