Бүгін түс кезінде қаланың Марков көшесіндегі 9 қабатты үйдің шатырындағы мұз еріп, үйге кіріп бара жатқан әйелдің үстіне түскен.
60 жастағы әйел жедел-жәрдем көлігі жеткенше қайтыс боп кеткен. «Бұл үйдің коммуналдық жұмыстарына жауапты компания ауланы қар мен мұздан тазарту жұмыстарын жүргізгенін айтқан еді», - дейді әкімдік өкілдері. Осы оқыс оқиғаға қатысты қазір сот-медициналық сараптамасы тағайындалды. Ал, әкімдік өкілдері өткен аптаның өзінде үй шатырларындағы қар мен мұзды дұрыс тазаламаған 8 компанияны жазалап, айыппұл салыпты.
Жанат Жақсыбаев, Бостандық аудандық әкімдігі Коммуналдық-шаруашылық бөлімінің бас маманы:
- Бізде «Верный выбор» ЖШС деп аталатын компания бар. Оны тұрғындардың өздері сайлаған. Негізі өткен аптада үйдің төбесінде жиналған мұзды, қарды алдық деп төраға бізге жеткізді.
Амангелді СЕЙІТХАН
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда әйел адамның басына мұз сүңгі құлап қайтыс болды&mh_tags=Qazaqstan&mh_page=https://qazaqstan.tv./index.php/news/13890/)