Израиль парламенті коалициялық үкіметтің құрамын мақұлдап, Биньямин Нетаньяхудың 12 жылдық билігін тоқтатты. Жаңа премьер-министр Нафтали Беннет халықты біріктіру жолында жұмыс істейтінін және білім мен денсаулық сақтау салаларын реформалайтынын мәлімдеді.
Дегенмен, 49 жастағы үкімет басшысының Таяу Шығыстағы бейбітшілік проблемасына қатысты позициясы бұрынғыдай. Ол да Нетаньяху тәрізді Палестина мемлекетінің құрылуын қолдамайды. Және де Беннет АҚШ-тың Иранмен ядролық келісімді қалпына келтіруіне қарсы тұратынын ескертті.
Нетаньяху болса, Кнессетте оңшыл «Ликуд» партиясына төрағалық етіп, оппозиция лидері атанды. Ал, жексенбі күні парламентте өткен дебатта ол билікке оралуға уәде берген.
Арыстан Рысбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Нетаньяхудың 12 жылдық билігі аяқталды&mh_tags=Qazaqstan&mh_page=https://qazaqstan.tv./index.php/news/142033/)