Алматыда карантин шаралары күшейтілді. Бас санитар-дәрігердің жаңа қаулысына сәйкес, «ASHYQ» жобасына қатыспаған кәсіпкерлік нысандардың жұмыс істеу уақыты өзгереді. Мейрамхана, дәмхана сияқты қоғамдық тамақтану орындарына жұмыс күндері таңғы 7-ден кешкі 8.00-ге дейін рұқсат. Бірақ 30 адамнан артық жиналмауы қажет. Сенбі, жексенбі жұмысы тоқтап, тек жеткізу қызметін қолданады. Ал спорт кешендері, фитнес-орталық, монша, бассейндер келушілерді тек жұмыс күндері қабылдайды. Сұлулық салондары, шаштараз, медициналық клиникалар, стоматология кабинеттеріне алдын-ала жазылу бойынша жұмыс істеуге рұқсат етілді. Вакцинация пунктінің болуына қарамастан, қаладағы базарлар, сауда-ойын-сауық орталықтары жұмыс күндері кешкі 5-ке дейін істеп, демалыс күндері жабылады.
Жазира Оразқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда карантин шаралары күшейтілді&mh_tags=Qazaqstan&mh_page=https://qazaqstan.tv./index.php/news/142665/)