Парижде 2015 жылы қарашада болған жойқын терактілерге қатысты тарихи процесс басталды. Күдіктілер сот өтетін ғимаратқа жеткізілді. Франция астанасында 6 жыл бұрынғы шабуылдардан 130 адамның өмірі қиылып, 350-і жараланған еді.
ДАИШ ұйымы мойнына алған жарылыстар Екінші дүниежүзілік соғыстан кейінгі Франция тарихындағы ең ірі теракт саналады. Париж соты алдында 14 адам жауап береді. Олардың бірі - шабуылға тікелей қатысқан Салах Әбделсалам. Бельгияда дүниеге келген Франция азаматы - Париждегі қантөгістерден кейін 4 айдан соң полицияның қолына түсті. Онымен бірге сотталып жатқан 13 күдікті - терактіні дайындағаны үшін айыпталған. Олардың қуғында жүрген 6 сыбайласы сырттай сотталады.
Процесс 2022 жылғы мамырға дейін жалғасады. Оған 330 заңгер мен 300-дей куәгер қатысады.
Арай Төлегенқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Парижде тарихи сот процесі басталады&mh_tags=Qazaqstan&mh_page=https://qazaqstan.tv./index.php/news/145045/)