Биыл Алтын Орданың құрылғанына 750 жыл. Қасым-Жомарт Тоқаев осы датаны мерекелеу аясында Ұлытауды халықаралық деңгейдегі этнографиялық туризм орталығы етіп, Жошы ханның есімін ұлықтауды қолға алуды тапсырған. «Ұлық Ұлыс – Алтын Орда». Осы тақырыпты арқау еткен Атырауда халықаралық ғылыми-практикалық конференция жұмысын бастады.
Айтулы шараға Еуропа, Америка, Түркия, Жапония, Ресей, Украинадан ғалым, археолог, ақын-жазушылар қатысады. Кеше қонақтар Махамбет атындағы академиялық қазақ драма театрында Алтын Ордадан –Тәуелсіздіктің 30 жылдығына дейінгі тарихи кезеңді қамтитын «Айбыны асқан Алтын Орда» атты әдеби-театрландырылған қойылымды тамашалады. Қойылымда Алтын орданың құрылуынан бастап, империяға айналуына дейінгі аралық шебер суреттелген.
Әлия Дәулетбаева, "Айбыны асқан Алтын Орда" қойылымының сценарий авторы:
Біз мұнда не көрсеткіміз келді: мына Еділ-Жайықтың арасын алып жатқан жалпы Еуразияға Дешті Қыпшақ келіп, үлкен империя орнатқан. Жошының қай ұрпағының империя құрудағы рөлі маңызды болды, соны айтқымыз келді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алтын Орданың құрылғанына 750 жыл&mh_tags=Qazaqstan&mh_page=https://qazaqstan.tv./index.php/news/147254/)