Оралда Хадиша Бөкеева атындағы облыстық қазақ драма театрында Тәуелсіздіктің 30 жылдығына орай «Томирис» трагедиясы сахналанды. Премьера атақты массагет патшайымы билеген дәуірдің шиеленіске толы оқиғаларын бейнелейді. Қойылым режиссері - Қазақстанның еңбек сіңірген әртісі Мұрат Ахманов. Ана мен бала, әке мен ұл, туыс-жекжат арасындағы тақталас, бақталас театр тілімен көркемделген. Пандемия кезінде сахнаны сағынып қалған көрермен қойылымды жылы қабылдады.
Мұрат Ахманов, қойылым режиссері:
«Томирис» қойылымын бүгінгі күнге үндестіріп қойдым. Драматургияда пьеса жазған Шахимарданның да көздеген мақсаты осы. Қай кезде де классика заманмен үндес шығады ғой. Сол себепті спектакль басқаша форматта қойылды.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Томирис» қойылымы сахналанды&mh_tags=Qazaqstan&mh_page=https://qazaqstan.tv./index.php/news/147449/)