Коммуналдық апат салдарынан Павлодар қаласының біраз бөлігі жылусыз әрі сусыз қалды. Жылу құбырында апат кеше болған. Іле жөнделгенімен, бүгін құбыр қайта жарылды. Салдарынан 200-ге тарта жекеменшік үй жылу мен ыстық судан ажыратылды.
Екатерина Байжұманова, «Павлодарэнерго» АҚ бөлім басшысы міндетін атқарушы:
Кеше жөнделген жерге жапсарлас құбырдан бүгін тағы ақау шықты. Соған байланысты тұрғындарға жылу және ыстық су беруді тоқтаттық. Кешкі сағат 5-ке дейін жөндеу жұмыстарын аяқтаймыз.
Дәл қазір Павлодардың орталығындағы көпқабатты ондаған үйлер ауыз сусыз қалды. Оған диаметрі 500 мм құбырдың жарылуы себеп болған. «Павлодар-су арнасы» серіктестігінің апаттық бригадасы жөндеу жұмыстарын жүргізіп жатыр.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Павлодарда жүздеген үй жылусыз, сусыз қалды&mh_tags=Qazaqstan&mh_page=https://qazaqstan.tv./index.php/news/149007/)