![Мұқағали Мақатаев. «Біздің көктем»](https://cdn.qazaqstan.tv/old/articles/7/article_77015.jpg?w=928&h=522&format=jpg&resize=aspectfill&g=center)
Көктем келді ауылға, мамырлап бұлт,
Таң-тамаша дүние, дабырлап жұрт.
Көктем келді. Өмірдің келешегі -
Көкпен бірге дүркіреп төл өседі.
Сағым қыздың ап қашып орамалын,
Асыр caп тентек жігіт - жел еседі.
Көктем келіп ауылға қыз көрікті,
Таң-тамаша дүние жүзге еніпті.
Асқар ала таулардан асып әрі,
Аяз атаң барады мұз бөрікті.
Көктем, көктем! Қыз-көктем ауылдағы,
Өлең-жыр, әзіл-күлкі ауыл маңы.
Тиянақ таппай ұшқан көк көбелек,
Көк гүлге қонды-дағы дамылдады...
Мұқағали МАҚАТАЕВ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Мұқағали Мақатаев. «Біздің көктем»&mh_tags=Qazaqstan&mh_page=https://qazaqstan.tv./index.php/news/14940/)