![«Наурыз-Көктем» атты кеш өтті](https://cdn.qazaqstan.tv/old/articles/7/article_77075.jpg?w=928&h=522&format=jpg&resize=aspectfill&g=center)
Ұлттық мерекені ұлықтауға еліміздің рухани-мәдени орда ұжымдары да кірісті. Бүгін «Астана Опера» театрының камералық залында «Наурыз-Көктем» атты кеш өтті. Онда театрдың жетекші солистері мен камералық хор ұжымы өнер көрсетті.
Кеште қазақтың халық әндері мен романстары, сондай-ақ, қазақ композиторларының операларынан үзінділер шырқалды. Концерт барысында еліміздің салт-дәстүрі де ұмыт қалған жоқ.
Театр саңлақтары қазақтың тойбастар, отау құру, бесікке бөлеу тәрізді салт-дәстүрлерінен көріністер қойды.
Ал, сахнаның ұлттық нақышта безендірілуі концерттің көркін қыздыра түсіп, көрерменге мерекелік көңіл-күй сыйлады.
Айдана ҮСЕНБАЙ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Наурыз-Көктем» атты кеш өтті&mh_tags=Qazaqstan&mh_page=https://qazaqstan.tv./index.php/news/15056/)