![«Бала би» байқауы өтті](https://cdn.qazaqstan.tv/old/articles/7/article_77121.jpg?w=928&h=522&format=jpg&resize=aspectfill&g=center)
«Бала би». Осындай атаумен Астанада алғаш рет байқау ұйымдастырылды. Оған қаланың 16 білім ошағынан оқушылар қатысып, бақ сынасты. Екі күнге созылған сайыс 4 кезеңнен тұрды.
Олар «Қоржын», «Ұлылар сөзі», «Жыраулар жырлайды» және «Таразы». Мақсат - оқушылардың бойына халық даналығы мен салт-дәстүрімізді, сондай-ақ, шешендік өнерді сіңіру.
Ал, жеңімпаздарды анықтау барысында қазылар алқасы жас өнерпаздардың суырыпсалма ақындығы мен тапқырлығына ерекше көңіл бөлді.
Шұғыла Құдайбергенова, «Жас Ұлан» бірыңғай балалар мен жасөспірімдер ұйымының атқарушы хатшысы:
Өскелең ұрпақ бойында бұрынғы ата дәстүрімізді, салтымызды қайта жаңғырту мақсатында өткізіп отырмыз.
Аяулым Қуанышова, байқауға қатысушы:
Ақтық сынға жолдама алдым. Жеңемін деген үміттемін.
Айдана ҮСЕНБАЙ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Бала би» байқауы өтті&mh_tags=Qazaqstan&mh_page=https://qazaqstan.tv./index.php/news/15140/)