Алматыда тәртіпсіздік кезінде қару-жарақ ұрлаған төрт жігіт ұсталды. Үйді тінту кезінде полицейлер мылтық пен түрлі жарылғыш заттарды тапқан.
Полицейлердің айтуынша ұсталғандар қару-жарақты «Шаңырақ» ықшам ауданындағы жеке үйдің еденінің астына жасырған. Мәліметтерге қарағанда қолға түскен төртеу, жаппай тәртіпсіздік кезінде қару-жарақ дүкенін тонаған. Олардан мылтықтың түр-түрі, тіпті РГД мен РПГ снаряды, Ф-1 гранатасы тәркіленді. Әрі патрондар, оқ өткізбейтін киім мен дулығалар табылды. Қазір күдіктілер уақытша қамау абақтысына жабылған.
Досжан Маратұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда қару-жарақ ұрлағандар ұсталды&mh_tags=Qazaqstan&mh_page=https://qazaqstan.tv./index.php/news/151911/)