Павлодар облысының 48 мектебінде 90-ға жуық сынып карантинге жабылды. Ал, коронавирустың таралуы 3,6 есе көбейген. Соңғы тәулікте індет 1 140 адамнан анықталды. Қазір санитарлық бақылау шекарадағы өткізу пункттерінде де күшейтілді. Соның арқасында басқа елдің 75 азаматына елге кіруге тыйым салынды. Ал, ауру белгілері анықталған қазақстандық 8 азамат карантинге жатқызылды. Осы қаңтар айында аймақта 8 тұрғын індет салдарынан көз жұмды.
Дәрігерлердің мәліметіне қарағанда, қаңтар айында коронавирус, әсіресе, балалар арасында көбейген.
Батырбек Әлиев, облыстың Бас санитарлық дәрігері:
Оқу жылы басталғалы 2 304 оқушы коронавирус жұқтырған. Облыста 48 мектепте 88 сынып карантинге жабылған. Мектепке дейінгі жастағы 138 баладан вирус анықталды. Олардың көбі Павлодар қаласында тұрады.
Болат Аманбаев
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Павлодарда 90 сынып карантинге жабылды&mh_tags=Qazaqstan&mh_page=https://qazaqstan.tv./index.php/news/152164/)