![«Жас толқын – 2014» байқауына Грузия елінен мектеп оқушысы қатысады](https://cdn.qazaqstan.tv/old/articles/7/article_77340.jpg?w=928&h=522&format=jpg&resize=aspectfill&g=center)
Нуца Бузаладзе Тбилисиде орта мектептің 11-ші сыныбында оқиды. Сабақ оқудан бөлек, фортепиано, гитарада ойнауды үйреніп, музыка теориясы мен әдебиетін меңгеруде. «Грузия дауысы» ТВ-байқауына қатысқан. Бос уақытында музыка және спортпен айналысады.
Нуцаның арманы – вокалды АҚШ-тың Беркли университетінде үйрену. Нуца Боб Фосстың музыкасы мен киноларын жақсы көреді. «Ал, тамақ пісіру менің қолымнан келмейтін шаруаның бірі. Жұмыртқа қуыра аламын. Егер ол күйіп кетпесе, үйдегілердің бәрі қуанады», - дейді күліп грузиялық қатысушы.
Жас әртістің өмірде ұстанатын қағидасы: «Ешқашан берілме!». Өзінің алғашқы өлеңдер жинағын «Dreaming is believing» («Арманыңа сен») деп атауды жоспарлап отыр.
«Жаңа толқын» байқауын 9 жасынан бастап көреді. «Бұл байқау көптеген жас таланттардың танылуына мүмкіндік береді. «Тыңдармандар менің ойымды, әнімді түсіне алса, мен өз мақсатыма жетемін», - дейді Нуца Буаладзе.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Жас толқын – 2014» байқауына Грузия елінен мектеп оқушысы қатысады&mh_tags=Qazaqstan&mh_page=https://qazaqstan.tv./index.php/news/15658/)