![Тұңғыш Президент музейіне - 10 жыл](https://cdn.qazaqstan.tv/old/articles/7/article_77421.jpg?w=928&h=522&format=jpg&resize=aspectfill&g=center)
Бүгін Қазақстан Республикасы Тұңғыш Президентінің музейіне - 10 жыл. Осыған орай, Астанада «Қазіргі қоғамдағы Музей. Жаңа даму жолдарын іздестіру» атты халықаралық ғылыми-тәжірибелік конференция өтті.
Оған шет мемлекеттердегі ғылыми және музей қауымдастығы мен мемлекеттік орган өкілдері қатысты. Мақсат - 10 жылдың ішінде жеткен жетістіктерді саралап, алдағы уақытта оның даму бағытын айқындау.
Ботагөз Қайыпова, ҚР Тұңғыш Президенті музейі директорының орынбасары:
10 жылдың ішінде біз 1 миллионнан астам адам қабылдадық. 154 көрме жобасын өткіздік. Соның ішінде 26-ы көшпелі көрме. 600-ден астам ағартушылық іс-шара өткізілді.
Музейдің мерейтойына орай, атыраулық белгілі мүсінші Нұрсұлтан Қалиевтің «Ағаш құдіреті» атты көрмесі ашылды.
Оған автордың 60-тан астам туындысы қойылып, ең қымбаты 3 миллион, ал, ең арзаны 50 мың теңгеге бағаланды.
Автордың айтуынша, көрмеге қойылған кез келген экспонаттың өзіндік тарихы бар.
Нұрсұлтан Қалиев, мүсінші:
Бұл - «Шебердің қолы» деген жұмыс. Ортасында кесе, оның ішіндегі көз. Шебердің қолына көз тимесін, деген мағынада.
Айдана ҮСЕНБАЙ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Тұңғыш Президент музейіне - 10 жыл&mh_tags=Qazaqstan&mh_page=https://qazaqstan.tv./index.php/news/15821/)