Жаңалықтарды Telegram арнамыздан оқыңыз!Бүгінгі референдумға 272 халықаралық байқаушы қатысып жатыр. Олар тәңертеңнен бастап учаскілерде жүр. Сондай-ақ, еліміздегі саяси науқанның өту барысы туралы хабар тарату үшін Қазақстанға шетелдік БАҚ өкілдері де келді. Сыртқы істер министрлігі Орталық коммуникациялар қызметімен бірлесе отырып күні бойы арнайы брифингтер өткізеді. Осы жерден Ұлттық арна тілшілері де сағат сайын хабар таратып отырады. Ал дәл қазір шетелдік байқаушылар журналистермен бірінші кездесуін бастады.
Берік Көшербай, тілші:
Елордадағы халықаралық ақпараттық орталығында тұрмын. Бұл жерде шетелдік орталық сайлау комиссияларының өкілдері, яғни халықаралық байқаушылар брифинг өткізеді. Қазақстандық және басқа 30-ға жуық елден арнайы келген тілшілерге бүгінгі референдумның өту барысы, учаскілерде осы уақытқа дауыс беру процессі қалай жүріп жатқанын айтады. Бірер минут қана олар бірінші баспасөз кездесуін бастады. Бірінші болып Қырғызстаннан келген байқаушы Абдыжапар Бекматов сөйлеп жатыр. Мұндай брифингтер бұл жерде бүгін кешке дейін, шамамен сағат сайын ұйымдастырылады.
Берік Көшербай
