Алматыда қатты нөсер жауын жауып, тұрғындарды әбігерге салды.
Бірнеше сауда кешенінің шатырынан су өтіп, ішіндегі дүкендер жабылып, адамдар қауіпсіз жерге шығарылды. Жаяу жүргіншілердің жүріп-тұруы қиындап, қалада ұзын-сонар көлік кептелісі пайда болды. Көше ортасында бір қоғамдық көлік өртке оранды. Мамандар бұған себеп, троллейбустың электр желісінің қысқа тұйықталуынан болуы мүмкін дейді.
Қала әкімдігінің хабарлауынша, мегаполисте су басудың алдын-алу мақсатында жауапты мекемелерден кезекшілік ұйымдастырылған. Судың кедергісіз ағып кетуін қамтамасыз ету мақсатында 700-ге жуық адам, 245 арнайы техника мен 2000-ға жуық құм салынған қап дайындалған. Жаңбыр кешке қарай тоқтады. «Қазгидрометтің» болжамы бойынша, ертең күн ашық болады.
Қуан Нұрақын
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда нөсер жауыннан тұрғындар әбігерге түсті&mh_tags=Qazaqstan&mh_page=https://qazaqstan.tv./index.php/news/160276/)