Алматыда дәстүрлі Президент шыршасы өтті. «Балалар жылы» аясында ұйымдастырылған мерекелік шараға 300-ге жуық жеткіншек қатысты.
Олардың арасында оқу озаттары, түрлі спорттық сайыстардың жеңімпаздары, аз қамтылған отбасыдан шыққан және ата-ана қамқорлығынсыз қалған балалар бар. Жеткіншектерді Жаңа жыл мерекесімен мемлекет басшысы Қасым-Жомарт Тоқаевтың атынан шаһар әкімі Ерболат Досаев құттықтады.
Қалалық білім басқармасы өкілдерінің сөзінше , жыл санап оқушылар саны артып келеді.
Ислам Байкүшіков, оқушы:
Шыршада өте күшті билер, мультфильмдегі кейіпкерлер балаларға өте қызық болды.
Дария Әбдіманап, оқушы:
Президентке және қала әкіміне осы шыршаны сыйлағаны үшін көп-көп рақмет. Жаңа жылыңызбен! Бәрімізге құтты жыл болсын!
Нұрсұлтан Тілектес
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда Президент шыршасы өтті&mh_tags=Qazaqstan&mh_page=https://qazaqstan.tv./index.php/news/169066/)