Қытай лидері Си Цзиньпин үшінші мерзімге мемлекет басшысы болып қайта бекітілді. Бүкілқытайлық халық өкілдері жиналысының депутаттары оған бір ауыздан дауыс берген. Сондай-ақ, Си Цзиньпин ҚХР Орталық әскери кеңесінің төрағасы қызметіне де қайта сайланды. BBC-дің мәлімдеуінше, алдағы күндері жаңа премьер мен түрлі министрлердің тағайындалуы бұдан да маңызды оқиға болмақ.
Еске салайық, Бейжіңде өтіп жатқан Бүкілқытайлық халық өкілдері жиналысының жыл сайынғы сессиясы наурыздың 13-не дейін жалғасады. Елдің алдағы жылдардағы даму бағытын көрсеткендіктен, бұл саяси шара әлем назарында.
Арай Төлегенқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Си Цзиньпин ҚХР басшысы болып қайта сайланды&mh_tags=Qazaqstan&mh_page=https://qazaqstan.tv./index.php/news/172750/)