Күш атасын танымас. Алматылық ефрейтор Бауыржан Әбдіқайым қошқарды 2050 рет көтеріп, рекорд жаңартты. Дәл осылай 2050 рет отырып тұруға 2 сағат уақыт кеткен. Бауыржан Әбдіқайым 6 жылдан бері Қарулы күштер сапында қызмет атқарады. Ол Алматыда ұйымдастырылатын республикалық, қалалық марафондар мен ірі спорттық іс-шараларға тұрақты түрде қатысып тұратынын айтты. Биыл Отан қорғаушылар күніне орай, ефрейтор Бауыржан Әбдіқайым Алматыдан Таразға дейін жүгіруді жоспарлап отыр.
Бауыржан Әбдіқайым, спортшы:
Наурызды бір жыл күттік. Халық қолдады. Шулады. Сонымен істедік. Тренировкада қиын болса, ұрыста оңай болады дейді ғой.
Мейрамбек Ілияс, Б.Әбдіқайымның әріптесі:
Бұл өте қиын. Неге десеңіз әрбір адам өз денесі 50 рет көтеру қиынға соғады. Отырып-тұру оңай емес. Оған дайындық керек. Аяқтың және өзінің мықтылығы керек. 2050 ретті мен өзімде көріп таңғалып жатырмын. Осының алдында 1115 рет көтерген.
Қуан Нұрақын
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қошқарды 2050 рет көтеріп, рекорд жаңартты&mh_tags=Qazaqstan&mh_page=https://qazaqstan.tv./index.php/news/173560/)