Польша Украинаға әскери ұшақтар мен брондалған машиналар, сондай-ақ, зеңбіректер мен зымырандық кешендер беретін болды. Мұны президент Владимир Зеленский Варшаваға сапарында мәлімдеді. Зеленский мен поляк премьер-министрі Матеуш Моравецкий Польшада оқ-дәрі мен қару-жарақ шығаратын бірлескен кәсіпорын құру мәселесін де талқылады. Болжамдарға қарағанда Украина алдағы уақытта Ресей армиясына қарсы қарымта шабуылдарды бастайды. Сол үшін Киев Батыстан F-16 тәрізді жойғыш ұшақтарды да сұрап отыр. Тағы бір айта кететін жайт, Польша Украинаның жақын одақтасы. Сондықтан, ол NATO Альянсынан Украинаға негізгі жауынгерлік танктерді жеткізу мәселесін шешуге ықпал етті.
Арыстан Рысбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Украинаға әскери ұшақ беріледі&mh_tags=Qazaqstan&mh_page=https://qazaqstan.tv./index.php/news/174068/)