Алматыдағы мұражайларда өткен «Музей түнін» тамашалауға шамамен 7 мың адам келген. Кеше түңгі 12-ге дейін мегаполистегі 7 мұражайда «Музей түні» акциясы өтті.
Келушілер үшін квесттер, концерттік бағдарлама мен байқаулар, қыш ыдыстардан шеберлік сабақтары мен викторина өткізілді. Мәселен, «Ер жігіттің бес қаруы бойында» деген көрмеде ерекше қару-жарақ коллекциясы қойылған. Көрмеде қазба жұмыстары барысында табылған археологиялық экспедиция материалдары: найза, сүңгі, жебелер, қола қылыштар, қанжарлар мен пышақтар, сондай-ақ қазақтың ұлттық қарулары – садақ, жебе, қорамсақ та болды. Айта кетейік, кеше әлемнің 150-ден аса мемлекетінің мұражайларында ашық есік күні өтті. Бұл шараны Қазақстан 2006 жылдан бері атап өтіп келеді.
Әйгерім Ердәулет
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда «Музей түні» акциясы өтті&mh_tags=Qazaqstan&mh_page=https://qazaqstan.tv./index.php/news/176124/)