Жаңалықтарды Telegram арнамыздан оқыңыз!Алматы облысында ер адам жасөспірімді ұрлағаны үшін сотталды.
Оқиға биыл маусым айында Жамбыл ауданында болған еді. Қылмыскер мас күйде Қарғалы ауылына баратын жол бойында көлік тоқтатып тұрған қыз баланы көріп, оны алдап, сөзге тартқан. Сөйтіп Ұзынағаш ауылына алып кеткен. Бірнеше қонақ үйге кірмекші болған, алайда қызметкерлер оның мас екенін көріп, қабылдамаған. Одан кейін Қарасай ауданында «Монша» деген жазуды көріп, сол үйдің ауласына кірген. Осы сәтте қыз бала қылмыскерден сытылып шығып, үй иесінен араша сұраған. Арам ойы іске аспаған тұрғын қашып үлгерген. Сот айыпталушыны он жылға бас бостандығынан айырды. Жазаны Қылмыстық атқару жүйесінің қауіпсіздігі орташа мекемесінде өтейді.
