Президент Қасым-Жомарт Тоқаев Қытайға ресми сапармен барды. Мемлекет басшысын, Құрмет қарауылы сап түзеген Бейжің әуежайында бірқатар лауазымды тұлғалар салтанатпен қарсы алды. Екі күндік ресми сапар барысында Президент Қасым-Жомарт Тоқаев Қытай Халық республикасының Төрағасы Си Цзиньпинмен және Мемлекеттік кеңесінің Премьері Ли Цянмен, Бүкіл қытайлық халық өкілдері жиналысы Тұрақты комитетінің төрағасы Чжао Лэцзимен келіссөздер жүргізеді. Сондай-ақ жоғары деңгейдегі «Бір белдеу, бір жол» бастамасының III форумына қатысады. Сонымен қатар, Қасым-Жомарт Тоқаев Бейжің Тіл және мәдениет университетінің аумағында орнатылған Әбу Насыр Әл-Фараби бюстін салтанатты түрде ашады. Бұдан бөлек, сапар аясында Қытайдың ірі компаниялары басшыларымен кездесу өткізеді.
Торғын Мелісқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Президент Қытайға ресми сапармен барды&mh_tags=Qazaqstan&mh_page=https://qazaqstan.tv./index.php/news/182953/)