Жетісу облысында жұмыс сапарының екінші күні Мемлекет басшысы Үштөбе қаласындағы Қаратал тарихи-өлкетану музейін аралап көрді. Мұражай биыл пайдалануға берілген. Ішінде өлке тарихына қатысты 350-ге жуық экспонат қойылған. Президентке музейдегі археологиялық артефактілер, этнографиялық жәдігерлер көрсетіліп, Қаратал ауданының тарихы және жазушы Кемел Тоқаев, Қазақ ССР халық әртісі Бикен Римова, осы өңірден шыққан ақын-жыраулар, би-шешендер мен елге еңбегі сіңген басқа да тұлғалар туралы тың деректер таныстырылды. Мемлекет басшысы музейде жергілікті зиялы қауым өкілдерімен де жүздесіп, мұражайдағы жәдігерлерді көбейту керектігін атап өтті. Сондай-ақ қоғам дамуы үшін мұндай мәдени нысандардың қажет екеніне назар аударды.
Досжан Маратұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Президент Қаратал тарихи-өлкетану музейіне барды&mh_tags=Qazaqstan&mh_page=https://qazaqstan.tv./index.php/news/183503/)