Жаңалықтарды Telegram арнамыздан оқыңыз!
Астанадағы Ұлттық травматология және ортопедия орталығында көктайғақтан қол аяғын мертіктіргендердің көп болғаны сонша, мамандар қызмет көрсетіп үлгере алмай жатты. Кезек кіре берістегі дәлізге дейін созылған.
Қасым Асқанов, Ұлттық ғылыми травматология және ортопедия орталығының дәрігері:
Бүгінгі таңнан бастап, көктайғақ басталғалы біздің орталыққа шамамен 100 шақты адам қаралды. 60 адамға амбулаториялық көмек көрсетілді. 18 адам біздің орталыққа жатқызылды. Оларға қазір операция жасалады.Шұғыл түрде.
Көктайғақ салдарынан көлік апаты да көп болды. кешелі-бері 100-ден аса жол-көлік оқиғасы тіркелген. Коммуналдық қызмет те, травматологиялық бөлімшелер де күшейтілген режимде жұмыс істеді.
Самал Қабышева, тілші:
Қараңыздар, бір орында тұру мүмкін емес. Аяғымда етік. Ал мен құдды бір коньки киіп алып, мұз айдынында жүргендеймін.
Ал түстен кейін айналадағы көк мұз еріді. Күн суытса, қайта қатады. Ал Астана әкімдігі балалар мен зейнет жасындағы азаматтарға аса қажеттілік болмаса, үйден шықпауға кеңес береді.
