Талдықорғанда мемлекет қаржысын жымқырғандардан өндірілген қаражатқа салынған жайлы мектеп пайдалануға берілді. Бұл Жетісу облысында осы бағытта салынатын білім шаңырақтарының алғашқысы. 1200 оқушыға арналған мектеп құрылысы мен материалдық-техникалық жабдықталуына 3,2 млрд теңге жұмсалды. Мекемеде үлкен мәжіліс залы, 400 орындық асхана, бірнеше шеберхана және мультимедиялық сыныптар бар. Әзірге 660 оқушы қабылданды. Жалпы облыста жайлы мектеп бағдарламасымен 7 білім шаңырағының құрылысы басталды. Оның үшеуі Талдықорған қаласында.
Дина Қайыржанова, қала тұрғыны:
Қуанышымызда шек жоқ. Қатты қуанып жатырмыз. Үш балам да осы мектепке келеді. 9-шы сыныпта, 7-ші сыныпта, 2-ші сыныпта. Білімдері жақсы болсын! Мықты-мықты шәкірттер шықсын! Білімді балалар шықсын! Ұстаздарға бас иеміз осы мектептің.
Қуаныш Қанаұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Талдықорғанда алғашқы жайлы мектеп ашылды&mh_tags=Qazaqstan&mh_page=https://qazaqstan.tv./index.php/news/187414/)