Жаңалықтарды Telegram арнамыздан оқыңыз!Бұл туралы республикалық «Әділдік жолы» қоғамдық бірлестігінің өкілдері мәлімдеді. Ұйымның заңгерлері қалалық сыбайлас жемқорлыққа қарсы қызметімен бірлесе, №141 орта мектепке тексеріс жүргізген. Оның қорытындысы бойынша, білім ордасының есепшісі 2021-2022 жылдар аралығында өзінің жеке есеп-шотына 50 млн теңге аударып алғаны анықталған. Бұдан өзге, қосымша 7 млн-нан аса қаражат қолды болған. Осыдан кейін қызметкер жұмыстан шығып кеткен. Ал мемлекетке келген шығын қайтарылмаған. Қазір сотқа дейінгі тергеумен қалалық экономикалық тергеу департаменті айналысып жатыр. Күдіктінің үстінен қылмыстық іс қозғалған.
Бауыржан Мақұлбаев, «Әділдік Жолы» РҚБ Алматы қалалық филиал басшысы:
Аса ірі көлемде бөтен мүлікке зиян келтірген деп есептеледі де, 12 жылға дейін бас бостандығынан айыру жазасы қолданылады. Және мүлкі міндетті түрде тәркіленеді. Сонымен қатар, әртүрлі мемлекеттік және соған теңескен қызметтерді өмір бойы істеуге бюоллмайтын қылып шектеулер қойылады.
Қуан Нұрақын
