Жаңалықтарды Telegram арнамыздан оқыңыз!Халықаралық әйелдер мерекесі қарсаңында кірістер комитеті гүлге қатысты қызық ақпарат ұсынды. Елімізге шет мемлекеттерден қаңтар айының өзінде 639 тоннадан астам яғни, 12 млн дана гүл жеткізілген. Бұған отандық кәсіпкерлер 5 млн доллардай ақша жұмсаған. Бұл көрсеткіш былтырға қарағанда көп, - дейді мамандар. Мәселен, 2023 жылы 10 млн дана гүл әкелінген. Жұмсалған қаржы - 4 млн долларға жуық. Ең сұранысқа ие - раушан гүлі мен қалампыр және қызғалдақ болып шықты. Айта кеткен жөн, әсемдіктің символы саналатын өсімдік түрлері - Эквадор, Нидерланды, Колумбия, Қытай, Кения, Өзбекстан мен Израилден импортталған.
