Атырау облысы Жылыой ауданының орталығы Құлсары қаласына су кірді. 500 тұрғын-үй тасқын суда қалып, 2400-ден астам адам қауіпсіз жерге көшірілген. Ол үшін арнайы 10 құтқару пункті белгіленді. Құлсары қаласының станциясынан Атырау қаласына жолаушылар пойызы халықты тегін тасымалдап жатыр. Сондай-ақ, тұрғындардың кейбірі көршілес Маңғыстау облысының Бейнеу ауданына барып жатыр. Құлсарылықтарды орналастыруға Теңіз кен орнындағы жатақханалар да дайын тұр. Суды арнасымен өткізіп жіберу үшін «Достық» шағын ауданы мен 5-ауылды жалғап тұрған көпір бұзылды. Құтқарушылар тәулік бойы жағалауды нығайтып жатыр. 300-ден астам құтқарушы мен 142 техника және 4500 адам тасқынды тежеуге жұмылдырылды.
Нұрсұлтан Нұрсейіт
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Құлсарыға су кірді&mh_tags=Qazaqstan&mh_page=https://qazaqstan.tv./index.php/news/191647/)