Мемлекет басшысының тапсырмасымен жақын күндері Қытайдың Үрімші қаласында QazTrade сауда өкілдігі ашылады. Бұл туралы Қытайдың Шыңжаң-Ұйғыр автономиялық ауданына жұмыс сапарымен барған Мәжіліс төрағасы мәлімдеді. Сол өңірдегі коммунистік партия комитетінің хатшысы Ма Синжуймен кездесуде сауда-экономикалық саладағы ынтымақтастық мәселесі талқыланды. Мәжіліс төрағасы екі елдің депутаттары өзара келісімдер мен уағдаластықтардың орындалу сапасын жүйелі түрде бақылайтынын айтты. Бүгінде Қазақстанның Қытаймен сауда-саттығының жартысынан астамы Шыңжаң аумағына тиесілі. Сондай-ақ, Ерлан Қошанов осы өңірде 1 млн 600 мыңнан астам қандасымыз, қазақ бауырымыз тұрады. Олар Қазақстан мен Қытай арасындағы «алтын көпірге» айналды,-деп ерекше атап өтті.
Тәуірбек Бозекен
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қытайда QazTrade сауда өкілдігі ашылады&mh_tags=Qazaqstan&mh_page=https://qazaqstan.tv./index.php/news/193004/)