Елімізде күн суытады. Бұл туралы «Қазгидромет» баспасөз хатшысы Алина Исмағұлова арнайы брифингте айтты. Бүгіннен бастап үш күн қатарынан солтүстікте, шығыста, оңтүстік-шығыста және орталықта қатты жауын-шашын болады, түнде жаңбыр қарға ұласуы ықтимал. Еліміздің оңтүстік-шығысында бұршақ жаууы мүмкін. Республика бойынша екпінді жел күшейеді. Ал, Шығыс Қазақстан облысында жауын-шашын артынан сел жүруі мүмкін. Өзендерде судың деңгейі көтерілу қаупі бар. Күннің күрт суытуына, батыс циклоны және онымен байланысты атмосфералық фронталды бөліктер әсер етеді деп болжайды.
Ақмаржан Ғафизқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Еліміздің басым бөлігінде күн суытады&mh_tags=Qazaqstan&mh_page=https://qazaqstan.tv./index.php/news/193145/)