Литвада Тоғызқұмалақтан балалар арасында халықаралық турнир өтті. Шараны еліміздің осы мемлекеттегі елшілігі Литва және Латвиядағы Тоғызқұмалақ федерацияларымен бірігіп ұйымдастырды. «Сантарос» гимназиясында өткен жарысқа Қазақстан, Литва және Латвиядан 30-дан астам бала қатысты. Оқушылар бестемшеден өзара бақ сынасты. Жүзден жүйрік шыққандарға бағалы сыйлықтар мен литва тілінде жарық көрген тоғызқұмалақты үйрететін әдістемелік құралдар табысталды. Еуропалық тоғызқұмалақ шеберлері, қыркүйекте Астанада өтетін 5-Дүниежүзілік көшпенділер ойынына қатысып, жеңіспен оралудан үмітті.
Нұрсұлу Қасым
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Литвада тоғызқұмалақтан халықаралық турнир өтті&mh_tags=Qazaqstan&mh_page=https://qazaqstan.tv./index.php/news/193521/)