Жаңалықтарды Telegram арнамыздан оқыңыз!Қазақстан мен Сингапур арасындағы дипломатиялық байланысқа 30 жылдан асты. Осы уақыт аралығында екі елдің стратегиялық серіктестігі біршама нығайды. Әсіресе, сауда-саттық пен қаржы саласындағы алыс-беріс қарқынды дамып жатыр.
Бүгінде Қазақстанда 140 сингапурлық компания жұмыс істейді. Олар көтерме және бөлшек саудамен айналысады. Екі елдің тау-кен өнеркәсібімен айналысатын ортақ кәсіпорны да бар. Сингапур елінен тартылған инвестиция көлемі, соңғы 5 жылда - 1,2 млрд АҚШ долларына жетті. Ал, былтыр бір жылда Сингапур Қазақстанға 458 млн АҚШ долларын құйған.
Айнұр Исабаева, «Астана» халықаралық қаржы орталығының ресми өкілі:
Ал егер біздің «Астана» халықаралық қаржы орталығын туралы айтатын болсақ бүгінгі күнде 30-дан астам компания жұмыс істейді. Олардың көбі қаржы, IT және Крипта саласында жұмыс істейді. Қазіргі таңда шетелдік компаниялармен жақсы жұмыс істеп келе жатырмыз. «Астана» халықаралық қаржы орталығы арқылы еліміздің эвономикасына 11,4 млрд доллар қаржы тартылды.
Досжан Маратұлы
